ابطال آسيا

الفوز حلو و الفرح حلو خصوصا بعد غياب طويل

و أحلى شي لما نشوف الناس كلها مساندتنا وفرحانة لنا و تحبنا

و ايضا لما يجمعنا شي واحد و علم واحد وننسى خلافاتنا اللي احرقت بلدنا

خطَار عدنا الفرح ، و الفضل طبعا لجهود أسود الرافدين.

*أنا غيرت خلاص عنواني

إنتقلت الى سلطنة عمان و بدأت العمل

كل شيء هنا نظيف وهاديء ومرتب

كل شيء جديد

لكن الظاهر إني أنا مو وجه نعمة لانني اذا اكلت بيتزا أجدني أقول لنفسي: بس بيتزا (صاج الريف) و (كرسبي) كانت اطيب

و اذا تفرجت على واجهات محلات الذهب أقول بس اللي بسوق الكاظم كان يعجبني اكثر

في كل شيء أحن الى العراق

،لكن الغريب اني اذا اتذكر، اتذكر بغداد التي كانت حلوة وانسى بغداد المتربة ذات الحواجز الكونكريتية و الحيطان المليئة بالشظايا

أنسى الخوف اللي كنا عايشين بيه

و يغيظني أبي لما يقول ان احنا ما راح نرجع

كل أملي انو ارجع

العنوان من عنوان اغنية لعمرو دياب